Last Updated on October 13, 2023 by Dr Mniko
Kipimo cha electrocardiogram ni nini?
Kipimo cha electrocardiogram – hufupishwa kama EKG au ECG – ni kipimo kinachopima shughuli ya umeme kwenye moyo. Kwa kila pigo la moyo, wimbi la umeme husafiri kwenye moyo. Wimbi hili la umeme husababisha misuli ya moyo kukaza na kusukuma damu. Wakati wa pigo la moyo la kawaida, ECG huonesha ni muda gani anaotumika kwa wimbi hilo kusafiri kutoka kwenye vyumba vya juu vya moyo, mpaka vyumba vya chini.
Vyumba viwili vya juu (atria) hutengeneza wimbi la kwanza linaloitwa “Wimbi P” – Kisha hufuatiwa na mstari mlalo wakati umeme ukivuka kwenda kwenye vyumba vya chini.Vyumba vya chini (ventrikali ya kulia na kushoto) hutengeneza wimbi linalofuata linaloitwa “QRS complex”. Wimbi la mwisho au “Wimbi T ” huwakilisha kuishilia kwa wimbi la umeme au wakati wa kupumzika kwa ventrikali, wakati ambao moyo hausukumi damu.
Kwa nini electrocardiogram kinafanyika?
Kipimo cha electrocardiogram hutoa aina mbili ya taarifa . Kwanza, kwa kupima muda kwenye ECG, daktari anaweza kutambua muda unaotumika kwa wimbi la umeme kusafiri toka sehemu moja ya moyo mpaka nyingine. Hii humsaidia daktari kutambua kama shughuli ya umeme kwenye moyo ni ya kawaida, polepole, harakaharaka au isio kawaida. Pili, kwa kupima kiasi cha umeme unaopita kwenye misuli ya moyo, mtaalamu wa moyo anaweza kujua kama sehemu ya moyo imepanuka, kubwa au inafanyishwa kazi zaidi ya ilivyo kawaida.
Je, kipimo cha electrocardiogram kinasababisha mamivu?
Hapana. Hakuna maumivu au hatari yoyote inayotokana na kufanyiwa electrocardiogram. Wakati stika za Kipimo cha electrocardiogram zinapoondolewa, kunaweza kuwa na usumbufu mdogo.
Je, ni hatari kufanya kipimo cha electrocardiogram?
Hapana. Mashine ya Kipimo cha electrocardiogram hurekodi umeme pekee. Haitoi umeme.
Leave feedback about this