KICHOMI

KICHOMI

  • August 19, 2020
  • 3 Likes
  • 1486 Views
  • 3 Comments

Maelezo ya jumla

Kichomi ni maumivu ya kifua yanayotokea hasa wakati wa kuvuta pumzi ndani au kukohoa,maumivu haya husababishwa na kuvimba kwa utando mdogo (pleural) unaofunika kifua na mapafu.

Je! Nini dalili za kichomi?    

Dalili kuu ya kichomi ni maumivu kifuani. Mara nyingi maumivu hutokea unapovuta pumzi ndani au kukohoa. Watu wengine wanaweza kuhisi maumivu kwenye bega.

Kuvuta pumzi ndani ,kukohoa na mjongeo wowote wa kifua hufanya maumivu kuwa mabaya zaidi.

Kuvimba kwa utando unafunika mapafu (pleural) kunaweza kusababisha maji kujikusanya ndani ya kifua. Hii inaweza kusababisha kupumua kwa shida na kusababisha dalili zifuatazo:    

  • Ngozi kuwa na rangi ya bluu (cyanosis)    
  • Kukohoa    
  • Kupumua kwa shida   
  • Kupumua haraka haraka (tachypnea)

Kichomi husababishwa na nini?

Kichomi hutokea mapafu yanapovimba kwa sababu ya maambukizi kama nimonia (pneumonia) au kifua kikuu (tuberculosis). Mara nyingi kichomi ni ishara ya kuwepo maambukizi ya virusi kwenye mapafu.

Pia,maumivu ya kichomi yanaweza kusababishwa na:

  • Magonjwa yanayosababishwa na asibesiti (asbestos)    
  • Saratani fulani    
  • Jeraha/kuumia kifuani    
  • Magonjwa ya yabisi-baridi (Rheumatic diseases)

Nani yuko kwenye hatari zaidi?

Ikiwa una ugonjwa wa mapafu, kama vile nyumonia au kifua kikuu, uko katika hatari kubwa ya kupata kichomi.

Wakati gani utafute matibabu ya haraka?

Mwone mtoa huduma wa afya ikiwa una dalili za kichomi. Kama unapata shida kupumua au ngozi yako inageuka bluu, tafuta huduma ya matibabu haraka sana.

Utambuzi

Unapokuwa na kichomi, utando laini unaofunika mapafu na kifua unakuwa mgumu na unaoparura. Tando hizi mbili husuguana kila unapovuta pumzi na inaweza kutoa sauti ya mpapruro anayoweza kuisikia daktari kwa kutumia kifaa cha kusikiliza kifua (stethoscope).

Mtoa huduma ya afya anaweza kufanya vipimo vifuatavyo:    

  • Complete blood count – kipimo hiki hufanyika ili kutambua kama kuna maambukizi kwenye damu,
  • Thoracentesis – kipimo hiki hufanyika ili kupunguza maji kifuani au kwa ajili ya kuyapima ,hili hufanyika kwa kuchoma sindano ndefu kwenye kifua ili kupunguza maji hayo   
  • Ultrasound ya kifua –  kipimo hiki hutumia nguvu ya mawimbi ya sauti kupiga picha ya kifua
  • Eksirei ya kifua – picha ya eksirei husaidia kutambua sababu ya kichomi

Uchaguzi wa matibabu

  • Mtoa huduma wa afya anaweza kuondoa maji kwenye mapafu kwa thoracentesis na kuyachunguza kuangalia  kama kuna ishara za maambukizi.
  • Matibabu yanategemea kinachosababisha kichomi. Maambukizi ya bakteria yanatibiwa kwa antibiotics. Maambukizi mengine ya bakteria yanaweza kuhitaji upasuaji ili kutoa maji yote yenye uambukizo.
  • Kichomi kinachosababishwa na maambukizi ya virusi kwa kawaida hupona tu chenyewe bila bila dawa. Wagonjwa mara nyingi wanaweza kudhibiti maumivu ya kichomi kwa dawa za maumivu kama vile paracetamol au ibuprofen.

Nini cha kutarajia?

Kupona kwa kichomi hutegemea kimesababishwa na nini.

Matatizo yanayoweza kutokea   

  • Kupata shida kupumua    
  • Kuharibika kwa mapafu kwa sababu ya jeraha baada ya thoracentesis    
  • Matatizo yanayotokana na ugonjwa uliosababisha kichomi

Kuzuia

Kutibu mapema maambukizi ya bakteria kwenye njia ya hewa itasaidia kuzuia kichomi.

Vyanzo

3 Comments

  •  1 wiki ago

    Asante kwa kutuelimisha..ila m pia natatizo la kichomi ila kinanshika nkiwa nakimbia tena vitatu pembeni ya diaphragm,katikati na kwenye pega moja la kushoto..nshawahi kuumwa neumonia apo nyuma ya joto,saiv kichwa kinaniuma kwa mbele na naskia mwili kama unakosa nguvu iv sa sijui inaeza ikawa neumonia imerud au laaa…ila mafua sina wala kikohozi

  •  mwezi 1 ago

    Nimeelewa mm huwa napata kichomi hasa upande wa kulia kifuani kwa na huwa nakipata nikianza kufanya movement zangu baada ya kuamka .Ninapopata hata mkono kuunyenyua huwa nitabu .Je kujipepea na feni mda mrefu kunaweza sababisha kichomi.asnte

    •  mwezi 1 ago

      FAN INASABABISHA KICHOMI?

      Asante kwa swali lako

      Kuna faida na harasa kadhaa za kulala chini ya fan usiku, LAKINI kwa ujumla hakuna madhara ya kudumu yanauoweza kusababishwa na kulala chini ya fana

      FAIDA ZA KULALA CHINI YA FAN
      》Kwa baadhi ya watu upepo mwanana unaotoka kwenye fan unawafanya wapate usingizi mapema , kwa hiyo kupumzika vizuri
      》 Kupunguza joto ndani ya nyumba ni faida ingine ,hii inasababisha usingizi mzuri pia
      》 kuna baadhi ya watu, kelele nyepesi zinazosababishwa na fan zinasababisha wanapata usingizi mzuri

      HASARA
      》 Kwa baadhi ya watu wakilala chini ya fan wanapata shida,shida zenyewe mara nyingi ni ndogo tu lakini zinaweza kukera
      ■Baadhi wanaamka wakiwa wamechoka sana
      ■Kwa sababu ya upepo, unasababisha pua na midomo kukauka sana, kwa sababu hyo mtu anaamka akiwa kama ana mafua na kunakuwa na mwasho kooni, anakuwa anakohoa kidogo ili kuliweka sawa koo
      ■Kwa sababu ya upepo , unaweza kupuliza vumbi iliyo ndani ya nyumba ikasababisha matatizo kwa watu walio na mzio au allergy ya vumbi

      Kwa hiyo kama unavyoona kuna faida na hasara za kutumia fan, na sio kila mtu anapata dalili zilizo sawa, kwa sababu tunatofautiana

      Siwezi kusema kuwa fan inakusababishia kichomo na siwezi kukataa pia kuwa haisababisho, kwa sababu inawezeka ikawa

      Ninakushauri, kama unadhani fan ndio inasababisha kichomi,acha kuitumia kwa siku kadhaa ili uangalie , kama kisipo poa mwone daktari akusaidie kutafuta sababu

      Asante, endelea kuwa nasi

Leave Your Comment